काठमाडौं, १६ असोज । बाँकेको नेपालगञ्जमा कर्फ्यू लगाइएको छ । फेरि हिन्दू र मुस्लिम समुदायबीच झडप हुने देखिएपछि कर्फ्यू लगाइएको स्थानीय प्रशासनले जानकारी दिएको छ ।
दिउँसो १ बजेदेखि लागु हुने गरी अनिश्चितकालिन कर्फ्यु लगाइएको हो ।
आज बिहान मात्रै नेपालगञ्जमा सामाजिक सद्भाव र्याली निकालिएको थियो । र्यालीमा धर्मगुरु, जनप्रतिनिधि, नागरिक समाजका अगुवा तथा पेशकर्मीहरू रहेका थिए ।
तर लगत्तै फेरि सद्वाव भड्किने संकेत देखिएपछि कर्फ्यू लगाइएको हो ।
बजार क्षेत्रमा प्रहरी नायब उपरीक्षक नारायण डाँगीको नेतृत्वमा ५ सय बढी प्रहरीहरु परिचालन गरिएको छ । १०० बढी संख्यामा सशस्त्र प्रहरीहरु पनि परिचालित छन् ।
प्रतिक्रिया