त्रिभुवन विमानस्थलबाट झण्डै तीन केजी सुन बरामद

काठमाडौं, १३ असोज । त्रिभुवन अन्तर्राष्ट्रिय विमानस्थलबाट झण्डै तीन किलो सुन बरामद भएको छ ।

शुक्रबार साँझ विमानस्थलको आगमन कक्षमा चेकजाँच गर्ने क्रममा २.७ केजी सुन बरामद भएको हो । फ्लाइ दुबईको जहाजबाट आएकी फिलिपिन्सकी महिलाबाट प्रहरीले सुन बरामद गरेको हो।

सुन कहाँबाट ल्याइएको भन्ने खुलेको छैन । महिलालाई विमानस्थल भन्सार कार्यलयमा बुझाइएको छ।

थप अनुसन्धान भइरहेको छ ।