काठमाडौं, ९ असोज । नेकपा (एमाले)को प्रथम बागमती प्रदेश अधिवेशनको बन्दसत्र कमलादीस्थित प्रज्ञा प्रतिष्ठानमा सुरु भएको छ ।
बिहान ७ः३० बजेबाट सुरु हुने भनिएको बन्दसत्र साँढे २ घण्टा ढिला सुरु भएको हो । बन्दसत्रमा राजनीतिक, सांगठनिक प्रतिवेदन प्रस्तुत गरिने एमाले बागमतीले जनाएको छ ।
अधिवेशनमा प्रदेशभरबाट एक हजार १३८ जना प्रतिनिधि सहभागि रहेका छन् ।
अधिवेशनले एक अध्यक्ष, एक उपाध्यक्ष, एक सचिव र दुई उपसचिवसहित दुई सय ४० सदस्यीय कमिटी निर्वाचित गर्नेछ ।
नेतृत्व चयनका लागि सर्वसम्मतको प्रयास भइरहेको बताइएको छ । बन्दसत्र समाप्त भएपछि आजै निर्वाचनको कार्यक्रम सुरू हुने बताइएको छ ।
प्रतिक्रिया