काठमाडौं, ८ असोज । नेपाल साफ यू–१९ च्याम्पियनसिप फुटबलको सेमिफाइनलमा प्रवेश गरेको छ।
सोमबार भएको खेलमा माल्दिभ्सलाई पराजित गर्दै नेपाल सेमिफाइनलमा पुगेको हो ।
त्रिपुरेश्वरस्थित दशरथ रंगशालामा सोमबार भएको समुह ए को अन्तिम खेलमा मालदिभ्सलाई ४–१ गोल अन्तरले पराजित गर्दै घरेलु टोलीले अन्तिम चारमा स्थान बनाएको हो।
योसँगै समूह ए बाट पाकिस्तान समूह विजेता र नेपाल उपविजेता बन्दै अन्तिम चारमा पुगेका हुन्। अब सेमिफाइनलमा नेपालले भारत र भुटानबीच एक टोलीसँग खेल्नेछ।
आजै हुने समूह बीको अन्तिम खेलमा भारत र भुटान भिड्दैछन्।
प्रतिक्रिया