महोत्तरीमा दम्पतीको साथबाट लुटियो ६ लाख बढी रकम

महोत्तरी, ७ असोज । महोत्तरीमा एक दम्पतीको साथबाट ६ लाख बढी रकम लुटिएको छ ।

गौशाला नगरपालिका-११ भरतपुरका शम्भु महतो र उनकी श्रीमतीले बैंकबाट निकालेर घर लैजाँदै गरेको ६ लाख ३६ हजार रकम अज्ञात व्यक्तिले लुटेका हुन् ।

ज्वाईँले ओखलढुंगाबाट पठाएको रकम निकालेर घर जाँदै गर्दा मोटरसाइकलमा आएका एक युवकले रकम लुटेर फरार भएका हुन् ।

लुटेराको खोजी भइरहेको प्रहरीले जानकारी दिएको छ ।