काठमाडौं, ३ भदौ । नेकपा एमालेका अध्यक्ष केपी शर्मा ओलीले लोकतन्त्रको दियो ननिभ्ने गरी, कहिल्यै नझुक्नेगरी दिपावली गरेको बताएका छन् ।
काठमाडौंको नक्सालस्थित नारायण चौरमा संविधान दिवसको अवसरमा बुधबार साँझ दिपावली गर्दै अध्यक्ष ओलीले संविधान दिवसलाई अर्को वर्षदेखि अझ ब्यापक र भव्य ढंगले जनताको घर घरमा मनाउने बताएका हुन् ।
उनले नारायण चौरस्थित नन्दीकेशरबगैंचालाई राष्ट्रिय एकता र उज्यालो नेपालको प्रतिकको रुपमा विकास गर्न चाहेको बताए ।
‘लोकतन्त्रको दियो ननिभ्ने गरी, कहिल्यै नझुक्नेगरी दिपावली गरेका छौं, यस बगैंचालाई राष्ट्रिय एकता र उज्याले नेपवालको प्रतिकको रुपमा विकास गर्न चाहान्छौं । अर्को वर्षदेखि यो दिवस अझ ब्यापक र भव्य ढंगले जनताको घर घरमा मनाउनेछौं,’ ओलीले भने ।
ओलीले साँझ सात बजे रिमोट थिचेर दिपावली र पुष्प वर्षा गर्नुका साथै जंगी निशानको गीत बजाएका थिए ।
प्रतिक्रिया