नेपाली कांग्रेस सिरहाका प्रभावशाली नेता–कार्यकर्ताहरू एमालेमा प्रवेश

काठमाडौं, २४ भदौ । नेपाली कांग्रेस सिरहाका प्रभावशाली नेताहरू नेकपा एमालेमा प्रवेश गरेका छन् ।

पार्टी प्रवेश गर्नेहरूमा गत निर्वाचनमा प्रदेश सभा सदस्यका उम्मेदवार महेशकुमार अधिकारी लगायत ११ जना छन् ।

पार्टी प्रवेशका लागि आज शनिबार नेकपा एमालेका अध्यक्ष केपी शर्मा ओलीको निवास, बालकोट पुगेका उनीहरूलाई अध्यक्ष ओलीले खादा र अवीर लगाई पार्टीमा स्वागत गरे ।

नेकपा एमाले प्रवेश गर्नेहरूमा नेपाली कांग्रेसका क्षेत्रीय प्रतिनिधि तथा सिरहा जिल्ला सदस्य राजेन्द्र यादव, क्षेत्रीय प्रतिनिधिहरू सूर्यकुमार यादव, दिलचन्द सिंह, रामएकवाल यादव, विनोद महतो, योगेश कुमार सिंह, क्रियाशील सदस्यहरू चन्द्रकिशोर यादव, मुकेश यादव, रामपुकार साह र माओवादी केन्द्रका रिकेशप्रसाद साह छन् ।