काठमाडौं, १९ भदौ । एसिया कप अन्तर्गत सोमबारको खेलमा नेपाल भारतसँग १० विकेटले पराजित भयो । तर भारत जस्तो शक्तिशाली टीमसँग नेपाली खेलाडीले गरेको प्रतिस्पर्धालाई लिएर चौतर्फी प्रशंसा भइरहेको छ ।
यसैबीच सोमबारको खेलपछि एउटा फरक दृश्य देखियो । जसमा भारतसँग पराजित भएको नेपाली टीमलाई भारतीय खेलाडीहरूले मेडल लगाइदिए ।
खेल सकिएपछि नेपाली प्रशिक्षक मोन्टी देसाईले खेलाडीहरुलाई भारतीय ड्रेसिङ रुममा लगे। जहाँ कप्तान रोहित शर्मा, विराट कोहली र प्रशिक्षक राहुल द्रविडहरु उपस्थित थिए।
भारतीय ड्रेसिङ रुममा प्रशिक्षक द्रविड, खेलाडीहरु विराट कोहली र हार्दिक पान्ड्यासहितले नेपाली खेलाडीलाई मेडल लगाइदिएका हुन् । नेपाली प्रशिक्षक देसाईले दुई देशका खेलाडीलाई घुलमिल गराउन भारतीय खेलाडीमार्फत नेपाली खेलाडीलाई मेडल लगाइदिएका हुन् ।
भारतविरुद्ध उत्कृष्ट खेलेका सोमपाल कामी, आशिफ शेख र दीपेन्द्रसिंह ऐरीलाई भारतीय प्रशिक्षक र खेलाडीले मेडल लगाइदिएका छन्।
यो क्षणलाई क्यानले अविस्मरणीय भनेको छ। यहि क्रममा नेपाली खेलाडीहरू भारतीय चर्चित क्रिकेटरहरूसँग तस्वीर लिने, अटोग्राफ लिने मौका पाएका थिए ।
In the world of cricket, heroes rise not only through their batting and bowling, but also through their sportsmanship and character. We extend our heartfelt gratitude to the @BCCI @imVkohli @hardikpandya7, and the extraordinary Indian cricket team for the time together. pic.twitter.com/RCaEF0TxwS
— CAN (@CricketNep) September 5, 2023
प्रतिक्रिया