काठमाडौं, ११ भदौ । क्रिकेटर सन्दीप लामिछाने एशिया कप खेल्न पाकिस्तान गएका छन् ।
उनी टीम भन्दा पछि एक्लै पाकिस्तान गएका हुन् । उनी बाहेकको टीम केही दिनअघि नै पाकिस्तान पुगिसकेको छ । सन्दीप भने मुद्दाका कारण टीमसँगै जान पाएका थिएनन् ।
पाकिस्तान जानुअघि त्रिभुवन अन्तर्राष्ट्रिय विमानस्थलमा पत्रकारहरूसँग कुराकानी गर्दै एशिया कपमा राम्रो गर्ने बताए ।
भारत र पाकिस्तानविरुद्ध राम्रो खेलेर मन जित्ने बताउँदै उनले आफू पाकिस्तान र भारतसँग खेल्न तयार रहेको बताए। आफूहरूको लागि यो खुशीको पर्व भएको भन्दै सधैँ यस्ता टीमसँग खेल्न नपाउने उनको भनाइ छ ।
उनलाई त्रिभुवन विमानस्थलमा राखेपका सदस्यसचिव टंकलाल घिसिङले विदाई गरेका थिए । नेपालले एशिया कप क्रिकेटमा अगष्ट ३० मा पाकिस्तानसँग र सेप्टेम्बर ४ मा भारतसँग प्रतिस्पर्धा गर्नेछ ।
प्रतिक्रिया