काठमाडौं, २८ असार । स्वास्थ्यमन्त्री मोहनबहादुर बस्नेतले सरकारले खटाएको जिल्लामा जान नमान्ने कर्मचारीविरुद्ध आक्रामक रुपमा प्रस्तुत हुन बाध्य भएको बताएका छन् ।
बिहीबार राष्ट्रियसभा बैठकमा मन्त्री बस्नेतले सरूवा गरिएको स्थानमा नजाने अडान लिएपछि मन्त्रालयमा आफू आक्रामक रूपमा प्रस्तुत हुन बाध्य भएको बताएका हुन् ।
उनले सरुवा गरिएको स्थानमा नजाने बरू मन्त्रालयमा झुण्डिएर मर्छु भनेपछि झुण्डिन आफूकहाँ पठाइदिन भनेको जिकिर गरे । आफू कडा रूपमा प्रस्तुत भएपछि ती कर्मचारीले सरुवाको पत्र बुझेको र अहिले सरुवाका बिषयमा कुनै समस्या नदेखिएको उनले बताए ।
मन्त्री बस्नेतले स्वास्थ्यकर्मीलाई दुर्गम स्थानमा पठाउने काममा कुनै अवरोध नगर्न मन्त्रीपरिषद्मा पनि भनेको भन्दै नजिताका लागि केही महिना कुर्न आग्रह गरे ।
प्रतिक्रिया