काठमाडौं, २७ असार । कमेडी क्लब विथ च्याम्पियनका निर्देशक तथा प्रस्तोता विशाल भण्डारी र कमेडियन विक्की अग्रवालविरूद्व उजुरी परेको छ ।
फिल्म निर्देशक राजु गिरीले विशाल र विक्कीविरुद्ध जिल्ला प्रशासन कार्यालय काठमाडौंमा उजुरी दिएका हुन् ।
भण्डारी र अग्रवालले सञ्चालन गर्ने टिभी कार्यक्रमले आफ्नो बौद्धिक सम्पत्तिमा धावा बोलेको, हैरानी दिएको भन्दै गिरीले आफ्नो जीउधनको सुरक्षाको माग गर्दै उजुरी दिएका हुन् ।
विशालले कमेडी क्लब विथ च्याम्पियनको भाग ६९ मा आफ्नो मानमर्दन हुने गरी सामग्री प्रसारण गरेको गिरीले उल्लेख गरेका छन् ।
प्रतिक्रिया