काठमाडौं, १ असार । नेपाली नागरिकलाई नक्कली भुटानी शरणार्थी बनाएर अमेरिका पठाउने प्रकरणमा पक्राउ परेका १८ जनामध्ये १६ जना पुर्पक्षका लागि जेल चलान भएका छन् भने दुई जनालाई धरौटीमा छोडिएको छ ।
पुर्पक्षका लागि थुनामा जानेमा नेपाली कांग्रेसका नेता तथा पूर्वगृहमन्त्री बालकृष्ण खाँण र नेकपा माओवादी हुँदै एमालेमा रहेका पूर्व उपप्रधानमन्त्री टोपबहादुर रायमाझीलगायत छन् ।
यस्तै, तत्कालीन सत्ता कांग्रेस माओवादीलगायत सत्ता गठबन्धनले राजनीतिक दाउपेचका लागि सर्वोच्च अदालतका प्रधानन्यायाधीश चोलेन्द्र शमशेर जबरालाई असफल महाअभियोग लगाएपछि रिक्त रहेको न्यायालयले आज करिब १६ महिनापछि बल्ल नेतृत्व पाएको छ ।
आज नियुक्त भएका प्रधानन्यायाधीश हरिकृष्ण कार्कीले अबको पुगनपुग दुई महिना सर्वोच्चको नेतृत्व गर्नेछन् ।
हेरौँ आज दिनभरका मुख्य–मुख्य समाचारका हेडलाइनहरू–
प्रतिक्रिया