सरकारले बहुवर्षीय योजनालाई बेवास्ता गर्‍यो : बसन्त नेम्वाङ

काठमाडौं, १ असार । नेकपा एमालेका सांसद बसन्त नेम्वाङले सरकारले बहुवर्षीय योजनाहरूलाई बजेट व्यवस्थापन नगरेर बेवास्ता गरेको बताएका छन् ।

प्रतिनिधिसभाको शुक्रबारको बैठकमा उद्योग, भूमि व्यवस्था र भौतिक पूर्वाधार तथा यातायात मन्त्रालयसम्बन्धी विनियोजन शीर्षकमाथिको छलफलका क्रममा उनले बहुवर्षीय योजनाका रुपमा ठेक्का लागेका सडक आयोजनाहरुलाई सरकारले बेवास्ता गरेको बताएका हुन् ।

पुरानोलाई बेवास्ता गरेर नयाँ–नयाँ आयोजना सिर्जना गर्दा बिगतमा सुरु गरेका आयोजनाहरुलाई भुक्तानी दिन समस्या हुने उनको भनाइ छ । यसबाट योजनाहरू समयमै सम्पन्न हुन नसक्ने उनले बताएका छन् ।