चितवन-२: यस्तो छ, पछिल्लो मतपरिणाम (अपडेट)

काठमाडौं, ११ वैशाख । चितवन क्षेत्र नम्बर-२ मा राष्ट्रिय स्वतन्त्र पार्टीका उम्मेदवार रवि लामिछानेले अग्रता फराकिलो बनाउँदै लगेका छन् ।

सुरूवातमा अग्रता बनाएका नेकपा एमालेका उम्मेदवार रामप्रसाद न्यौपानेलाई पछाडि पारेका लामिछानेले मतान्तर फराकिलो बनाउँदै लगेका हुन् ।

पछिल्लो मतपरिणामअनुसार लामिछानेले २ हजार ३ सय ३२ मत ल्याउँदै अग्रता बनाइरहेका छन् भने एमालेका न्यौपानेले १४ सय २७ मत ल्याएर लामिछानेलाई पछ्याइरहेका छन् ।

यस्तै तेस्रो स्थानमा रहेका नेपाली काँग्रेसका उम्मेदवार जितनारायण श्रेष्ठले एकहजार ३१ मत ल्याएका छन् । मतगणना जारी छ ।