पेस्तोलसहित वडाध्यक्ष पक्राउ

काठमाडौं, ४ वैशाख । प्रहरीले पेस्तोलसहित एकजना वडाध्यक्षलाई पक्राउ गरेको छ ।

रोल्पाको गंगादेव गाउँपालिका वडा नम्बर-४ का वडाध्यक्ष कृष्ण वलीलाई प्रहरीले पेस्तोलसहित पक्राउ गरेको छ ।

घरमा अवैध हतियार राखेको भन्ने सूचनाका आधारमा वडाध्यक्ष वलीको घरमा खानतलासी गर्दा हतियार बरामद गरिएको प्रहरीले जानकारी दिएको छ ।

वडाध्यक्ष वलीमाथि हातहतियार तथा खरखजना मुद्दा चलाइएको प्रहरीले जानकारी दिएको छ।