काठमाडौं, ६ चैत । ज्यान मार्ने धम्की आएपछि बलिउड अभिनेता सलमान खानको सुरक्षा बढाइएको छ ।
ग्याङ्स्टर लरेन्स बिश्नोईले जेलबाट ज्यान मार्ने धम्की दिएपछि उनको सुरक्षा बढाइएको हो । यस्तै, बिश्नोईविरूद्द प्रहरीमा एफआईआरसमेत दर्ता गरिएको छ ।
सलमानको घरमा सुरक्षा थप कडा पारिएको छ भने घर वरिपरि मानिसहरुलाई जम्मा हुनसमेत बन्देज लगाइएको छ ।
पन्जाबी गायक सिद्धु मुसेवालाको हत्यामा संलग्न लरेन्स बिश्नोई हाल भटिन्डा जेलमा छन्। उनले केही दिनअघि सलमानलाई माफी माग्न नभए परिणाम भोग्न तयार रहन चेतावनी दिएका थिए ।
सलमानमाथि कालो हरिण मारेको आरोप छ । कालो हरिण ज्यान मार्ने धम्की दिने बिश्रोईको समुदायले पूजा गर्ने जनावर हो ।
प्रतिक्रिया