हरित अर्थतन्त्रको रोडम्याप आवश्यक : शेष घले

काठमाडौं, २४ असोज । एमआइटी फाउन्डेसनका अध्यक्ष तथा एनआरएनएका पूर्व अध्यक्ष शेष घलेले हरित हाइड्रोजन अर्थतन्त्र निर्माण गर्ने गरी रोडम्याप बनाउन सरकारलाई आग्रह गरेका छन् ।

राजधानीमा सोमबारदेखि सुरू भएको दुई दिने नेपाल हरित हाईड्रोजन सम्मेलनमा सहभागी भएका उनले हरित हाइड्रोजन उत्पादनका लागि सरकारले गरेका प्रतिवद्धताहरू अत्यन्तै सकारात्मक रहेको भन्दै त्यसलाई साकार पार्न निजी क्षेत्र, दातृ निकाय लगायत सरोकारवालाले ध्यान दिनुपर्ने उनले बताए ।

हाइड्रोजन उत्पादन जलवायु र जीवन रक्षा, ऊर्जा सुरक्षा र रोजगारी सृजना गर्न नेपालका लागि आवश्यक र सम्भव रहेको उनको भनाई थियो । ‘विश्वमै नेपालको हाइड्रोजन उत्पादन लागत सस्तो मध्येमै पर्ने अध्ययनहरूले देखाएका छन्,’ उनले भने, ‘यसलाई सम्भव बनाउन सार्वजनिक निजी देखि विदेशी लगानी मात्र होइन सामाजिक हीतका विभिन्न कोषहरू पनि परिचालन गर्न सक्नुपर्छ ।’