निर्वाचन आयोगले दलहरुसँग छलफल गर्दै

काठमाडौं, २९ भदौ । निर्वाचन आयोगले राक दलहरुसँग छलफल गर्ने भएको छ ।

राजपत्रमा प्रकाशित गरेको निर्वाचन आचारसंहिताप्रति प्रमुख राजनीतिक दलहरुले असन्तुष्टि जनाएसँगै आयोगले छलफलमा बोलाएको हो ।

आयोगले प्रतिनिधिसभा र प्रदेशसभामा प्रतिनिधित्व गर्ने १२ वटा राजनीतिक दललाई बोलाएको हो ।

बुधबार १२ बजे आयोगको कार्यालयमा छलफलका लागि १२ वटा राजनीतिक दललाई बोलाएको आयोगका प्रवक्ता शालिग्राम शर्मा पौडेलले जानकारी दिए ।

निर्वाचन आयोगले प्रधानमन्त्री र मन्त्रीहरुलाई मंसिरको चुनाव प्रचारमा जान नदिने आचारसंहिता राजपत्रमा प्रकाशन गरेपछि सत्तारुढ र प्रमुख प्रतिपक्ष दुवैले असन्तुष्टि जनाएका छन् ।