भैरहवा, ३ भदौ । सिद्धार्थनगर नगरपालिकाका उपप्रमुख उमा अधिकारीले तिजमा भएका विकृत मान्यताहरु बाट छोरीचेलीलाई जोगाउनुपर्ने बताएकी छन् ।
महिनाबारी भएका कारण अपवित्र हुने र केही दत्तिवल चपाएपछि मात्र महिला पवित्र हुने तीज संस्कृति भित्र रहेको विकृत मान्यताबाट छोरीचेलीलाई जोगाउनुपर्ने बताएकी हुन् ।
भैरहवा डायनामिक्स टिचर्सले आयोजना गरेको तीज विशेष कार्यक्रममा बोल्दै अधिकारीले उक्त कुरा जनाएकी हुन् ।
अधिकारीले तिजको केही दिनपछि मनाइने पञ्चमी प्रति नेपाली समाजमा रहिआएको मान्यता प्रति बिरोध जनाउँदै भनिन् हामी चोखो छौ हामीलाई चोख्याउन पर्दैन ।
अधिकारीले दत्तिवल चपाउनु स्वास्थ्यको दृष्टिकोणले निकै राम्रो मानिन्छ, तर त्यसलाई भ्रमपुर्ण तरिकाले तर्क गर्नु भन्दा स्वास्थयको दृष्टिकोणले परम्परा चलिआएको भन्ने मान्यता राख्नुपर्ने कुरामा जोड दिनुपर्ने बताइन् ।
महिनावारी भएका कारण अपवित्र हुने र केही दत्तिवल चपाएपछि मात्र महिला पवित्र हुने मान्यताको अन्त्य हुनुपर्ने तर्क अधिकारीले व्यक्त गरीन् । नारीले नै अपवित्र भए, त्यही नारीको गर्भबाट जन्मने के हुन्छन् त भन्ने प्रश्न समेत अधिकारीले उठाइन् ।
शिक्षिकाहरुद्वारा आयोजना भएको कार्यक्रममा बोल्दै अधिकारीले संस्कृतिको नाममा रहेका विकृतिहरुलाई छोरी चेलीहरुबाट टाढा राख्न मुख्य भूमिका शिक्षिकाहरुले खेल्नु पर्ने बताइन् ।
प्रतिक्रिया