नेसपा नेता डम्बर खतिवडाले छाडे बाबुरामको साथ

काठमाडौं, ३१ साउन । नेपाल समाजवादी पार्टीका नेता डम्बर खतिवडाले पार्टी परित्याग गरेका छन् ।

खतिवडाले वुधबार बिहान एक ट्वीट सन्देशमार्फत् पार्टी परित्यागको घोषणा गरेका हुन् ।

‘करिब ८ वर्षको सहकार्यका लागि डा. बाबुराम भट्टराई र साथै करिब ३ वर्षको सहकार्यका लागि उपेन्द्र यादव र उहाँहरुको टिमप्रति आभारी छु,’ खतिवडाले लेखेका छन्, ‘आजबाट जसपा–नेसपा लफडाबाट पूर्णतःमुक्त छु । नेसपा–माओवादी एउटै चिन्ह हँसिया हथौडाबाट चुनाव लड्ने निर्णयपछि अब म नेसपाको साधारण सदस्य पनि रहिनँ ।’

जसपा फुट्दा खतिवडाले बाबुरामलाई साथ दिएका थिए ।