अर्थमन्त्रीमा जनार्दनकै पुनः नियुक्ति

काठमाडौं, १५ साउन। बजेट बनाउँदा अनधिकृत मान्छे छिराएको अभियोगपछि छानबिनका लागि अर्थमन्त्री पदबाट राजीनामा दिएका जनार्दन शर्मा फेरि नियुक्त हुने भएका छन्।

नेकपा माओवादी केन्द्रले उक्त पदमा शर्माकै नियुक्ति हुने र आइतबार सपथको तयारी भएको जनाएको छ। संसदीय छानबिन समितिले अनधिकृत मान्छे प्रवेश गराएको कुनै प्रमाण फेला नपरेको प्रतिवेदन बुझाएसँगै शर्मा सोही पदमा फर्किने भएका हुन्।