धनगढी उपमहानगरको मतगणना शनिबार विहानदेखि गरिने

धनगढी, ३० वैशाख । धनगढी उपमहानगरपालिकाको मतगणना शनिबार विहानदेखि सुरु हुने भएको छ ।

मतपेटिका संकलनमा समय लाग्ने भन्दै भोलि बिहानबाट मतगणना थालिने निर्वाचन आयोगले जनाएको छ ।

सर्वदलीय बैठक बसेर शनिबार विहानदेखि मतगणना गरिने निर्वाचन अधिकृतको कार्यालयले जनाएको छ ।

धनगढीको मेयर, उपमेयरसहित ९७ जना जनप्रतिनिधि चुन्नका लागि आज मतदान सम्पन्न भएको छ । उपमहानगरको मेयरमा मात्रै ९ जनाको उम्मेदवारी छ ।

मतगणना उपमहानगरपालिकाको नयाँ भवनमा हुने जनाइएको छ ।