काठमाडाैँ, १६ वैशाख । चितवनको भरतपुर महानगरपालिकाको मेयरमा नेपाली कांग्रेसबाट बागी उम्मेदवारलाई फकाउन चितवन पुगेका दुई मन्त्री काठमाडौँ फर्किएका छन् ।
भरतपुर मेयरमा बागी उम्मेदवार दिएका कांग्रेस नेता जगन्नाथ पौडेललाई फकाउन चितवन पुग्नुभएको गृहमन्त्री बालकृष्ण खाँण र राज्यमन्त्री उमेश श्रेष्ठ काठमाडौं फर्केका हुन् ।
दुवैजना आज दिउँसो बुद्ध एयरको विमानबाट काठमाडौं फर्केका हुन् ।
बागी उम्मेदवारलाई फकाउन गृहमन्त्री खाँण सभापति शेरबहादुर देउवाको निर्देशनमा १४ वैशाखमा चितवन गएका थिए ।
उनीहरुले अनेक प्रयास गर्दा पनि पौडेल टसको मस नभएपछि उनीहरु असफल भएर निराश हुँदै काठमाडौँ फर्किएका हुन् ।
पौडेललाई फकाउन गृहमन्त्री खाँणसँगै राज्यमन्त्री श्रेष्ठ पनि घरमै पुगेका थिए । हिजो विहान र राति गरेर दुईपटक छलफल गरे पनि उनी उम्मेदवारी फिर्ता लिन तयार भएनन् । त्यो बीचमा उनीहरूले विभिन्न अफरसमेत गरेका थिए । प्रदेशसभा सदस्य बनाउने, गृह राज्यमन्त्री बनाउने जस्ता अफरसमेत पौडेललाई गरिएको थियो ।
तर पौडेलले आफ्नो उम्मेदवारी फिर्ता लिनु मतदाताको अपमान भएको बताउँदै उनले अस्वीकार गरे ।
पौडेलले उम्मेदवारी फिर्ता नलिएको अवस्थामा माओवादीबाट मेयरका उम्मेदवार बनेकी माओवादी केन्द्रका अध्यक्ष पुष्पकमल दाहाल प्रचण्डपुत्री रेणु दाहालको पराजय हुनसक्ने स्थानीय नेताहरु बताउँछन् ।
विशेषगरी गठबन्धनका तर्फबाट लाई दोस्रो कार्यकालका लागि निर्वाचित गराउन देउवा र प्रचण्ड मरिमेटेर लागेका छन् ।
प्रचण्डकै दवावमा देउवाले पौडेलको उम्मेदवारी फिर्ताका लागि भनेका हुन् ।
प्रतिक्रिया