कैलाली, १२ वैशाख । कैलालीको कैलारी गाउँपालिकाको मुक्त कमैया शिविरमा भीषण आगलागी भएको छ ।
करिब चार घण्टाको आगलागीबाट पुरै बस्ती खरानी भएको छ ।
आइतबार दिउँसो साढे १ बजेदेखि सुरु भएको आगलागी साँझ साढे ४ बजे मात्रै नियन्त्रणमा आएको थियो ।
आगलागीले ७१ घर ,गोठ पूर्ण रुपमा जलेर नष्ट भएको छ ।
अचानक लागेको आगोले स्थानीयका लत्ताकपडा, खाद्यन्न सबै नष्ट भएको छ ।
भर्खरै भित्र्याइएको बाली एवम् सम्पति समेत जलेको छ ।
निकै दुर्गम क्षेत्र भएकाले तत्कालै दलमकलको उपस्थिति नभएपछि आगो नियन्त्रणमा आउन समय लागेको हो ।
निकै समयपछि पुगेको टीकापुर, धनगढी, घोडाघोडी नगरपालिकाबाट गएको दमकल र कैलारी गाउँपालिकाको एक्स्काभेटर सहायता तथा सशस्त्र प्रहरी, नेपाल प्रहरी र स्थानीयको लामो प्रयासले आगो नियन्त्रणमा लिइएको हो ।
प्रतिक्रिया