बाँकेमा नेकपा एसको अस्तित्व धरापमा, ७ सय बढी एमाले प्रवेश

नेपालगन्ज, २४ चैत । नेकपा (एमाले) का अध्यक्ष केपी शर्मा ओलीले मुलुको समृद्धिका लागि नेपाली जनताले एमालेलाई मतदान गर्ने बताएका छन् ।

उनले समृद्ध नेपालका लागि एमालेको विकल्प नरहेको भन्दै जनताले एमालेलाई अत्याधिक बहुमतले विजयी गराउने विश्वास व्यक्त गरेका हुन् ।

बिहीबार बिहान नेपालगन्जमा कार्यकर्ता प्रशिक्षण तथा पार्टी प्रवेश कार्यक्रमलाई सम्बोधन गर्दै उनले यस्तो बताएका हुन् ।

त्यस्तै, अध्यक्ष ओलीले नेकपा ( एकीकृत समाजवादी) का उपसचिव किशोर थापासहित करिब सात सय कार्यकर्तालाई पार्टीमा प्रवेश स्वागत गरेका थिए ।

बाँकेमा एकीकृत समाजवादीको अस्तित्व नै खतरामा परेको छ । सबैले एमाले रोजेसँगै बाँकेमा समाजवादीमा खडेर लागेको हो ।

अब एसका कार्यकर्ता खोजेर पनि पाइँदैनन्,’ अध्यक्ष उनले भने ,‘बाँकेमा मात्रै होइन, एमाले प्रवेशका लागि देशभरि जनलहर चलेको छ ।’

ओलीले गठबन्धन सरकारबाट देशको विकास हुन नसक्ने स्पष्ट पारे ।