उदयपुरमा आगलागी हुँदा एक जनाको मृत्यु, सात घर नष्ट

उदयपुर, १४ चैत । उदयपुरको उदयपुरगढी गाउँपालिका–१ शिखरपुरमा आगलागीमा परेर एक जनाको मृत्यु भएको छ भने सात वटा घर जलेर नष्ट भएका छन् ।

हिजो आइतबार दिउँसो लागेको आगोका कारण ६८ वर्षीया शिवमाया मगरको घटनास्थलमै मृत्यु भएको उदयपुरका प्रमुख जिल्ला अधिकारी वीरेन्द्रकुमार यादवले जानकारी दिए ।

आगलागीमा भैरव बहादुर ग्राङ्जामगर, पदमबहादुर ग्राङ्जामगर, यम्बरबहादुर ग्राङ्जामगर, दिपबहादुर ग्राङ्जामगर, धनमाया ग्राङ्जामगर, शेरबहादुर ग्राङ्जामगर र ओमबहादुर ग्राङ्जामगरको घर गोठ पूर्णरूपमा जलेर नष्ट भएको छ ।