आजको मौसम : पहाडी तथा हिमाली भू–भागमा आंशिक बदली रहने

काठमाडौं, २२ फागुन । आज देशको पहाडी तथा हिमाली भू–भागमा आंशिक बदली रही देशका बाँकी स्थानहरूमा मौसम सामान्यतया सफा रहने छ ।

हाल देशमा उल्लेखनीय मौसमी प्रणाली नभए पनि आज आइतबार देशको सुदूरपश्चिम, कर्णाली, लुम्बिनी र प्रदेश १ मा आंशिक बदली रही बाँकी भू–भागमा मौसम सामान्यतया सफा रहने जल तथा मौसम विज्ञान विभाग, मौसम पूर्वानुमान महाशाखाले जानकारी दिएको छ ।

महाशाखाका अनुसार भोलि सोमबार भने देशको सुदूरपश्चिम, कर्णाली प्रदेशका उच्च पहाडी तथा हिमाली भू–भागमा आंशिकदेखि सामान्य बदली रहने तथा अन्य प्रदेशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ ।

साथै गण्डकी र सुदूरपश्चिम प्रदेशका उच्च पहाडी तथा हिमाली भू–भागका एक वा दुई स्थानमा हल्का हिमपातको सम्भावना छ ।