सुख्खा पहिरोमा पुरिए पाँचवटा सवारी

काभ्रेपलाञ्चोक, १६ फागुन । बनेपा नगरपालिका–१४ आशापुरीस्थित आशापुरी रोडा ढुंगा सप्लायर्समा ढुंगा लोड गर्ने क्रममा आइतबार दिउँसो सुख्खा पहिरो जाँदा पाँच वटा सवारी साधन पुरिएका छन् ।

दुई वटा स्काभेटर, ३ वटा टिपर र १ वटा निशान गाडी पुरीएको प्रहरीले जनाएको छ ।

जिल्ला प्रहरी कार्यालय काभ्रेपलाञ्चोक विपद् व्यवस्थापन टोली र प्रहरी चौकी साँगाबाट खटिएको प्रहरीले स्काभेटरका चालक र सहचालकलाई उद्धार गरी उपचारको लागि मध्यपुर ठिमी अस्पताल भक्तपुर पठाएको थियो ।