पासपोर्ट र भिसाबिनै विमानस्थल पुगेको घटनामा छानबिन हुँदै

काठमाडौँ, १३ फागुन । गृहमन्त्रालयले पासपोर्ट र भिसा विना विमानस्थल पुगेको घटनालाई छानविन गर्न थालेको छ ।

यही फागुन ९ गते नेपाल वायुसेवा निगमको कतार उड्न लागेको विमानमा पासपोर्ट र भिसा बिनै यात्रु पुगेका थिए ।

गृहमन्त्रनालयले सुरक्षासँग जोडिएको त्यस घटनाले गम्भीर ध्यानाकर्षण भएको जनाएको छ ।

यससम्बन्धमा छानविन गर्न मन्त्रालयले अध्यागमन विभागका महानिर्देशक नारायण प्रसाद भट्टराईको संयोजकत्वमा ९ सदस्य छानबिन समिति गठन गरेको छ ।