टिकटकलाई चुनौती फेसबुकको नयाँ ‘रिल्स’ फिचर, आम्दानी पनि हुने

काठमाडौँ, ११ फागुन। चिनियाँ एप्स टिकटक हाल विश्वको सबैभन्दा लोकप्रिय एप्स हो। यो भिडिओ सेयरिङ एप्समा मानिसहरुले आम्दानी पनि गर्न सक्छन्। यतिबेला फेसबुकमा पनि नयाँ ‘रिल्स’ फिचर प्रदान गरिएको छ जसमा हामी टिकटकमा जस्तै भिडिओ सेयर गर्न सकिने मेटा कम्पनीलाई उल्लेखगर्दै रोयटर्सले जनाएको छ।

टिकटकलाई चुनौती दिन फेसबुकमा रिल फिचर्स ल्याइएको हो। हाल फेसबुकको रिल्स फिचर्स विश्वका १ सय ५० भन्दा धेरै देशमा सुरुवात भएको छ। बाँकी देशमा विस्तारै यो फिचर देखिँदै जानेछ। फेसबुकको रिल्समा प्रयोगकर्ताले लाइभमा गएर टिकटकमा जस्तै गिफ्ट पाएर आम्दानी पनि गर्न सक्छन्। –एजेन्सी