सभामुख सापकोटाले बोलाए कार्यव्यवस्था परामर्श समिति बैठक

काठमाडौँ, ३ फागुन । सभामुख अग्नि सापकोटाले प्रतिनिधिसभा कार्यव्यवस्था परामर्श समितिको बैठक आह्वान गरेका छन् ।

बैठक वुधबार बिहान ११ः३० बजेका लागि बोलाइएको सभामुख सापकोटाको सचिवालयले जनाएको छ ।

वुधबार दिउँसो १ बजे संसद बैठक रहेको छ । त्यसअघि परामर्श समितिको बैठक बोलाइएको हो ।

प्रधानमन्त्री शेरबहादुर देउवाले सभामुख सापकोटालाई कार्यव्यवस्था परामर्श समितिको बैठक बोलाउन भनेका थिए ।