मेरी आमा रुँदै होलिन् !

साहित्य

मेरी आमा रुँदै होलिन् सानो झुपडीमा

चाडपर्वको मेरो भाग छुट्याई टपरीमा

दुबै कुममा फाट्यो होला पोहोर सालको चोली
मनको  बात  सकी  होली  मनै भित्र बोली
मेरै आशामा बसेकी छिन् आमा झुपडीमा
चाडपर्वको मेरो भाग छुट्याई टपरीमा

दिनै भरी  हेर्दै होली  आमा  मेरै बाटो
मन बुझाउन हेर्दै होली दैलोमा मेरै फोटो
दिक्क मानी रुँदै होली आमा झुपडीमा
चाडपर्वको मेरो भाग छुट्याई टपरीमा

– रमना राई
खोटाङ, हलेसी