धनुषा, २१ माघ । मधेश प्रदेशमा हावाहुरीका कारण ३ जनाको मृत्यु भएको छ ।
शुक्रबार आएको हावाहुरीले गर्दा धनुषा र रातहटमा ३ जनाको मृत्यु भएको हो ।
हुरीका कारण रुख ढलेर किच्दा धनुषाका २ विद्यार्थी र रौतहटकी एक महिलाको मृत्यु भएको हो ।
मृत्यु हुनेमा धनुषाको सबैला नगरपालिका १२ स्थित फकिरचन्द मावि परिसरमा रहेको रूख ढल्दा ८ वर्षीया प्रतिमाकुमारी सदा र ७ वर्षीय अरविन्द सदा रहेका प्रहरीले जनाएको छ ।
हुरीका कारण मसलाको रुख ढल्दा दुवै जनाको मृत्यु भएको जिल्ला प्रहरीका कार्यालय धनुषाले जनाएको छ । दुवै विद्यार्थीको रुख ढलेर टाउकोमा चोट लागि घटनास्थलमै मृत्यु भएको हो ।
त्यस्तै रौतहटको बौधीमाई नगरपालिका १ मा हावा हुरीका कारण इँटाको घर खस्दा ४५ वर्षीया फुलमतिया देवीको मृत्यु भएको हो ।
हावा हुरीका कारण मधेश प्रदेशसभाको चौथो वार्षिकोत्सव समारोह समेत स्थगित भएको छ ।
प्रतिक्रिया