थप २ हजार ५२६ जनामा संक्रमण, १६ जनाको मृत्यु

काठमाडौँ, २१ माघ । नेपालमा पछिल्लो २४ घण्टामा २ हजार ५२६ जनामा कोरोनाभाइरस संक्रमण पुष्टि भएको छ ।

गत २४ घण्टामा २ हजार ५२६ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ६ हजार ६५५ पीसीआर र एन्टिजेन विधिबाट ४ हजार ४१८ एन्टिजेन परीक्षण गरिएकोमा २ हजार ५२६ जनामा संक्रमण देखिएको हो ।

यससँगै कुल संक्रमितको संख्या १० लाख ९७ हजार ५८९ जना पुगेको छ ।

पछिल्लो २४ घण्टामा ८ हजार ४२५ जना कोरोनामुक्त भएका छन् । योसहित निको हुनेको संख्या ८ लाख ९५ हजार ८६८ जना पुगेको छ । देशभर सक्रिय संक्रमितको संख्या ५६ हजार ४५७ जना रहेको छ ।

थप ५ लाख १३ हजार ५१ जनाले खोप लगाएका छन् । हालसम्म करिब डेढ करोड बढीले कोरोनाविरुद्धको पूर्ण खोप लगाइसकेका छन् ।

थप १६ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या ११ हजार ७९४ जना पुगेको मन्त्रालयले जनाएको छ ।