माओवादी महाधिवेशनः बन्दसत्रमा प्रचण्डले पेश गरे राजनीतिक प्रतिवेदन

काठमाडौँ, १२ पुस । नेकपा माओवादी केन्द्रको आठौँ महाधिवेशनमा अध्यक्ष पुष्पकमल दाहाल प्रचण्डले राजनीतिक प्रतिवेदन पेश गरेका छन् ।

कमलादीस्थित प्रज्ञा भवनमा सोमबारबाट सुरु बन्दसत्रमा अध्यक्ष प्रचण्डले प्रतिवेदन पेश गरे पनि महाधिवेशन प्रतिनिधिहरुलाई बाँडिएको भने छैन ।

प्रचण्डले राजनीतिक प्रतिवेदन पेश गरिसकेपछि नेता देव गुरुङले विधान मस्यौदा प्रस्तुत गर्नेछन् ।

त्यसपछि प्रतिवेदनहरुमा बन्दसत्रमा समूहगत छलफल हुने छ । महाधिवेशन प्रतिनिधिहरुलाई छलफलका लागि २८ समूहमा विभाजन गरिएको छ ।

विधान पारित भएपछि नयाँ नेतृत्व चयनका लागि प्रक्रिया अघि बढ्नेछ ।