लमजुङमा जीप दुर्घटना हुँदा ३ जनाको मृत्यु, ६ घाइते

काठमाडौँ, २३ मंसिर । लमजुङमा भएको जीप दुर्घटनामा ३ जनाको मृत्यु भएको छ भने ६ जना घाइते भएका छन् ।

मर्स्याङ्दी गाउँपालिका–८ भुस्मे नजिकै कालिमाटीमा ग १ ज ६३१७ नम्बरको जिप बिहीबार विहान साढे १० बजे दुर्घटना भएको थियो ।

प्रहरीका अनुसार गणेश माध्यमिक विद्यालय सिम्पानीका शिक्षक र विद्यार्थी बोकेर गएको जिप सडकबाट डेढ सय मिटर तल खसेको थियो । मृतकहरुमा शिक्षक र विद्यार्थीहरु रहेका छन् ।

घाइते ६ जनाको उपचार भइरहेको प्रहरीको भनाइ छ ।