बैतडी, ६ मंसिर । बैतडी जिल्लामा जन्ती बोकेको जीप दुर्घटना हुँदा पाँच जनाको मृत्यु भएको छ । दुर्घटनामा तीन जना जन्ती गम्भीर घाइते भएका छन् ।
देहिमाडौँबाट जन्ती लिएर सीमायलतर्फ छुटेको म १ ज ३१० नम्बरको जीप आइतबार राति साढे ८ बजे दशरथचन्द नगरपालिका–४ को कलुवाड मोडमा दुर्घटनामा परेको हो ।
दुर्घटनामा पाँच जनाको घटनास्थलमै मृत्यु भएको बैतडीका निमित्त प्रहरी प्रमुख बोधराज ओझाले जानकारी दिए ।
उनकाअनुसार दुर्घटनामा दशरथचन्द नगरपालिका–६ का ४८ वर्षका राजेन्द्रबहादुर चन्द, ३८ वर्षका धनबहादुर चन्द, ६५ वर्षका प्रेमबहादुर चन्द, ६५ वर्षका तारासिंह थापा र ५८ वर्षका खेमसिंह कार्कीको मृत्यु भएको छ । दुर्घटनामा गम्भीर घाइते भएका ३ जनाको जिल्ला अस्पताल बैतडीमा उपचार भइरहेको छ ।











प्रतिक्रिया