काठमाडौं, ३० कात्तिक । नेपाल प्रहरीका ८ जना एसपीलाई एसएसपीमा बढुवाका लागि सिफारिस गरिएको छ ।
कात्तिक २९ गते बसेको बढुवा सिफारिस समितिको बैठकले ८ जना एसपीलाई एसएसपीमा बढुवाका लागि सिफारिस गरेको हो ।
बढुवाको पहिलो नम्बरमा विकाशराज खनाल परेका छन् । खनाल सिनियर हुँदाहुँदै अघिल्लो पटक एपीबाट एसएसपीमा बढुवा गर्न छुटाइएको थियो । खनालले बल्ल न्याय पाएका छन् । खनालले सबैभन्दा धेरै अंक पाएका छन् ।
दोस्रो नम्बरमा सुदीप राजभण्डारी बढुवा सिफारिसमा परेका छन् । तेस्रो नम्बरमा अनुरागकुमार द्विवेदीको सिफारिस भएको छ ।
राजेन्द्रसिंह खड्का, योगबहादुर पाल, टीकाबहादुर केसी, ध्रुबराज राउत र भोलाबहादुर रावल पनि बढुवा सिफारिसमा परेका छन् ।












प्रतिक्रिया