माधव नेपाल र सुवास नेम्वाङबीच भेटवार्ता, के भयो छलफल ?

काठमाडौँ, १४ साउन । नेकपा एमालेका वरिष्ठ नेता माधवकुमार नेपाल र एमाले संसदीय दलका उपनेता सुवास नेम्वाङबीच छलफल भएको छ ।

बिहीबार नेपाल निवास कोटेश्वरमा उनीहरुबीच एमाले कार्यदलले गरेको १० बुँदे प्रस्ताव कार्यान्वयनका विषयमा छलफल भएको हो ।

डेढ घण्टा भएको छलफलमा नेता नेम्वाङले एकतालाई निष्कर्षमा पुर्याउन आग्रह गरे पनि नेता नेपालले ठोस जवाफ नदिएको बताइएको छ ।

नेम्वाङले पार्टी एकताको बारेमा लामो कुराकानी भएको र अध्यक्ष केपी शर्मा ओलीसँग भेटवार्ता गरेर बाँकी विषयलाई टुंगो लगाउँदै पार्टीलाई एक बनाउन अघि बढ्न आग्रह गरेका बताइएको छ ।

नेम्वाङले कार्यदलको १० बुँदे प्रस्तावको आधारमा रहेर एकता गर्न आग्रह गरेका थिए ।

नेता नेपालले शुक्रबार नेता विष्णु पौडेललाई पनि भेट्न मञ्जुरी गरेका छन् । त्यसपछि एकता सम्बन्धमा आफूले ठोस जवाफ दिने उनको भनाइ छ ।