सुनको मूल्य ४०० रुपैयाँले बढ्यो, कति पुग्यो तोलाको ?

काठमाडौँ, २३ असार । नेपाली बजारमा वुधबार सुनको मूल्यमा तोलाको ४०० रुपैयाँले बढेको छ ।

नेपाल सुनचाँदी व्यवसायी महासंघका अनुसार मूल्य बढेसँगै सुन प्रतितोला ४०० ९२ हजार २०० रुपैयाँ पुगेको हो ।

यस्तै, आज तेजाबी सुनको मूल्य समेत ४०० रुपैयाँले नै वृद्धि हुँदै प्रतितोला ९१ हजार ७०० रुपैयाँ कायम भएको छ ।

तर, यता चाँदीको मूल्य भने गत मंगलबारको तुलनामा प्रतितोला १० रुपैयाँले घट्दै आज एक हजार ३२० रुपैयाँमा झरेको महासंघले जनाएको छ ।