काठमाडौं । भुटानका प्रधानमन्त्री छिरिङ तोब्गेको विमान त्रिभुवन अन्तराष्ट्रिय विमानस्थलमा अवतरण भएको छ ।
नयाँदिल्लीबाट भुटान जान उडेका तोब्गे चढेको विमान मौसम खराब भएका कारण काठमाडौंमा अवतरण गरेको विमानस्थल प्रहरीको उच्च स्रोतले जनाएको छ । परराष्ट्रमन्त्रीसहितको डुक एयरको विमान दिउँसो २ बजेर ७ मिनेटमा अवरण भएको हो ।
भुटानी प्रधानमन्त्रीसहितको टोली अहिले विमानस्थलको भीआईपी कक्षमा बसिरहेका छन् । भुटानको मौसममा भर पर्ने भएकाले प्रधानमन्त्रीको विमानस्थल बसाइ कति लामो हुन्छ भन्न नसकिने विमानस्थलका अधिकारीहरुले बताएका छन् ।
भुटानका प्रधानमन्त्री तोब्गे भारतीय प्रधानमन्त्री नरेन्द्र मोदीको सपथमा भाग लिन नयाँदिल्ली पुगेका थिए ।
प्रतिक्रिया