माओवादी केन्द्रको केन्द्रीय समिति बैठक स्थगित

काठमाडौँ, २ चैत । नेकपा माओवादी केन्द्रको केन्द्रीय समितिको बैठक स्थगित भएको छ ।

आइतबारदेखि सुरु भएको बैठक सोमबार बसेर केही दिनका लागि स्थगित भएको हो ।

आजको बैठकमा २० जना नेताहरुले आफ्नो धारणा राखेका छन । पार्टीले अन्य पार्टीसँग नयाँ सरकार बनाउने तथा सर्वोच्चले गरेको नेकपा सम्बन्धी फैसला पुनरावलोकनका लागि जानुपर्ने भएको भन्दै बैठक स्थगित गरिएको सो पार्टीले जनाएको छ ।

फेरि कहिले बस्ने भन्नेबारे खुलाइएको छैन ।