काठमाडौं, १ माघ । नेपालमा पछिल्लो २४ घण्टामा कोरोना भाइरसका ४०३ जना नयाँ संक्रमित थप भएका छन् ।
पीसीआर विधिबाट ४ हजार १९९ जनाको स्वाब परीक्षण गर्दा उक्त संख्यामा संक्रमित पुष्टि भएको हो ।
यो सँगै नेपालमा कोरोना भाइरसबाट संक्रमित हुनेको संख्या २ लाख ६६ हजार ५४६ जना पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४०५ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ६० हजार १७७ जना पुगेको छ ।
यस्तै पछिल्लो २४ घण्टामा देशभर ६ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ९४३ जना पुगेको छ ।
हाल देशभर सक्रिय संक्रमितको संख्या ४ हजार ४२६ छ ।
मन्त्रालयका अनुसार हालसम्म नेपालमा २० लाख २ हजार ४१ जनाको पीसीआर विधिबाट स्वाब परीक्षण गरिएको छ भने अहिले ४ हजार ४२६ जना आइसोलेसन र २३१ जना क्वारेन्टिनमा छन् ।
प्रतिक्रिया