काठमाडौं, २१ पुस । नेपालमा पछिल्लो २४ घण्टामा कोरोना भाइरसका ५२२ जना नयाँ संक्रमित थप भएका छन् ।
पीसीआर विधिबाट ४ हजार ५५१ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ६२ हजार ७८४ जना पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५७८ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ५५ हजार ६६६ जना पुगेको छ ।
यस्तै पछिल्लो २४ घण्टामा देशभर ८ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ८९३ जना पुगेको छ ।
हाल देशभर सक्रिय संक्रमितको संख्या ५ हजार २२५ छ ।
मन्त्रालयका अनुसार हालसम्म नेपालमा १९ लाख ५७ हजार ४५४ जनाको पीसीआर विधिबाट स्वाब परीक्षण गरिएको छ भने अहिले ५ हजार २२५ जना आइसोलेसन र ३४२ जना क्वारेन्टिनमा छन् ।
प्रतिक्रिया