कोरोना अपडेट : ७४२ जना संक्रमित थपिए, १०७९ डिस्चार्ज, ७ जनाको मृत्यु

काठमाडौं, ६ पुस । नेपालमा पछिल्लो २४ घण्टामा कोरोना भाइरसका ७४२ जना नयाँ संक्रमित थप भएका छन् ।

पीसीआर विधिबाट ६ हजार ३५१ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ५४ हजार ५१४ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार ७९ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ४४ हजार ७४३ जना पुगेको छ ।

यस्तै पछिल्लो २४ घण्टामा देशभर ७ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ७९५ जना पुगेको छ ।

हाल देशभर सक्रिय संक्रमितको संख्या ७ हजार ९७६ छ ।

मन्त्रालयका अनुसार हालसम्म नेपालमा १८ लाख ७७ हजार १८१ जनाको पीसीआर विधिबाट स्वाब परीक्षण गरिएको छ भने अहिले ७ हजार ९७६ जना आइसोलेसन र ४२१ जना क्वारेन्टिनमा छन् ।