छोराले आफ्नै बुबाको घाँटीमा छुरा प्रहार गरी हत्या गरे

ईलाका प्रहरी कार्यालय बेलौरीका अनुसार गएराति घरयासी विवाद भएका बेला हरिरामले आफ्नी श्रीमतीलाई कुटपिट गरेपछि छोराले झोकमा आएर बुबाको हत्या गरेका हुन् ।

ईलाका प्रहरी कार्यालय बेलौरीका प्रमुख युवराज भण्डारीले हत्यारालाई प्रहरीले आज बिहान पक्राउ गरेको छ ।

पक्राउ परेका अर्जुनले प्रहरी समक्ष बुवाले मदिरा सेवन गरि आमालाई पिटिरहेको अवस्थामा आफुले सम्झाउन खोज्दा नमानेपछि पहिलो चोटी पेटमा चक्कु हानेको र दोस्रो पटक घाँटीमै छुरा प्रहार गरेको बयान दिएका छन् ।

मृतकको पोष्टमाष्र्टका लागि बेलौरी प्राथामिक स्वास्थ्य केन्द्रमा राखिएको छ ।

समाजमा बड्दो अपराधले आफ्नै छोराले बुवाको हत्या गरेको घटनालाई लिएर बेलौरीका स्थानियहरु चिन्तित बनेका छन् । घटना बारे थप अनुसन्धान भईरहेको बेलौरी प्रहरीले जनाएको छ ।