काठमाडौँ, १० मंसिर । महोत्तरीको बर्दिबासमा प्रदर्शनकारी र प्रहरीबीच झडप भएको छ ।
बर्दिबासमा ६ वर्षीया हत्या आरोपितलाई कारवाहीको माग गर्दै भएको प्रदर्शनमा प्रहरीको गोली लागेर मृत्यु भएका सञ्जय न्यौपानेलाई शहिद घोषणा गर्नुपर्ने माग गर्दै स्थानीयले प्रदर्शन गरिरहेका छन् ।
त्यही क्रममा प्रदर्शनकारीहरुले बर्दिबास नगर प्रमुखको पुत्ला दहन गर्ने हुँदा झडप भएको हो ।
प्रहरीले भीड नियन्त्रणका लागि करिब एक दर्जन राउण्ड अश्रुग्यास प्रहार गरेको छ । त्यसपछि भीड तितरबितर भएको छ ।
मंगलबार प्रहरीको गोली लागेर घाइते न्यौपानेको काठमाडौँमा मृत्यु भएपछि स्थानीय झन् आक्रोशित भएका छन् । स्थानीय प्रशासनले वुधबार विहान ९ बजेदेखि निषेधाज्ञा जारी गरेपनि प्रदर्शन भएको हो ।
प्रतिक्रिया