एकैदिन १९ कोरोना संक्रमितको मृत्यु, मृतकको संख्या ६९४ पुग्यो

काठमाडौँ, २९ असोज । नेपालमा कोरोनभाइरस संक्रमणका कारण गत २४ घण्टामा थप १९ जनाको मृत्यु भएको छ ।

बिहीबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा विभिन्न जिल्लाका थप १९ कोरोना संक्रमितको मृत्यु भएको जानकारी दिएका छन् ।

यससँगै मृतकको संख्या ६ सय ९४ पुगेको छ ।

बिहीबार देशभर थप ३ हजार ७ सय ४९ जनामा कोरोना संक्रमण देखिएको मन्त्रालयले जनाएको छ । त्यस्तै, थप ३ हजार ५ सय ६४ जना उपचारपछि संक्रमणमुक्त भएका छन् ।