बहराइनका राजकुमारद्वारा मनास्लु हिमालको सफल आरोहण

काठमाडौं, २९ असोज । बहराइनका राजकुमार नासिर विन हमदसहितको टोलीले मनास्लु हिमालको सफलतापूर्वक आरोहण गरेको छ ।

राजकुमारसहितको टोलीले बिहीबार बिहान हिमाल आरोहण गरेको सेभेन समिट ट्रेक प्रालिले जनाएको छ । सेभेन समिट ट्रेक प्रालिले आरोहणको व्यवस्थापन गरेको छ ।

८ हजार १६३ मिटर अग्लो माउन्ट मनास्लुको आज बिहान ६ बजेर १० मिनेट जाँदा आरोहण गरेको बताइएको छ ।

यसअघि बहराइन राजकुमार हमदले टोलीले असोज १७ गते ६ हजार ११९ मिटर अग्लो लोबुचे हिमालको पनि आरोहण गरेको थियो ।

सेभेटन समिट ट्रेकका अनुसार यो टोलीले आउँदो वसन्तमा सगरमाथा आरोहणको पूर्व तयारी गरिरहेको छ ।