काठमाडौं, २४ असोज । पछिल्लो २४ घण्टामा काठमाडौं उपत्यकामा मात्रै २ हजार ६७२ जना कोरोना भाइरसका संक्रमित थपिएका छन् ।
काठमाडौंमा २ हजार १००, भक्तपुरमा २०३ र ललितपुरमा ३६९ जना संक्रमित थप भएका हुन् ।
नेपालमा पछिल्लो २४ घण्टामा अहिलेसम्मकै सर्वाधिक धेरै ५ हजार ८ जना नयाँ कोरोना संक्रमित फेला परेका छन् ।
१९ हजार ३२० जनाको पीसीआर परीक्षण गर्दा उक्त संख्यामा संक्रमित फेला परेका हुन् । २४ घण्टामा यति धेरै संक्रमित भेटिएर नयाँ रेकर्ड कायम भएको छ ।
यससँगै कुल संक्रमितको संख्या एक लाख ५ हजार ६८४ पुगेको छ । उनीहरुमध्ये ६१४ जनाको मृत्यु भएको छ भने ७४ हजार २५२ जना संक्रमणमुक्त भएका छन् ।
शनिबारसम्म देशभर सक्रिय संक्रमितको ३० हजार ८१८ पुगेको छ । जसमा संस्थागत आइसोलेशनमा १३ हजार ६५४ र होम आइसोलेशनमा १७ हजार १६४ जना रहेका छन् ।
पछिल्लो २४ घण्टामा मात्र १२२९ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।
आजको तथ्यांकसहित नेपालमा कोरोना संक्रमित हुनेको संख्या १ लाख ५ हजार ६८४ जना पुगेको छ ।
प्रतिक्रिया